Riceviamo e pubblichiamo questo “cantico” in onore della serie B conquistata. L’autore oltre al testo ci ha fatto pervenire anche due Copertine da lui realizzate per la conservazione a memoria futura della sua opera.
Fu accussì cchi arrivammi in serie “ B “
Franchicè cchi succediu
sentu fora nu ribeddhu
non supportu sti gridati
mò mi sadda lu ceveddhu.
Mastru Totu chi diciti
mi pariti assai stonatu
no sapiti…u Catanzaru
vinciu u campionatu!
Comu ?… No,
non è n’ illusiona
arsira a vidistivu
a televisiona ?
Aieri , mi sculavi
na ‘mpaghiata e vinu
e ma tu dicu a tia
m’azavi sulu pocu primu.
Affacciativi do barcuna
nesciti e stà cazza e stanza
guardati burdellu
cchi c’è all’ Osservanza !
Ci misuru a sciarpa
a Stoccu e a lu Cavatora
cu sapa cchi ‘nda pensa
zziumma “ u professoraâ€.
Salutanu i jocaturi
sventulanu i banderi
vincimi puru ccu Chieti
proprio aieri.
Madonna mia cchi c’è !
u dicia puru a radiu
i tifosi vannu
tutti a lu stadiu.
I strati su cchini
na gugghia non ci capa
tutti si genti ……
… mancu a la “Nacaâ€.
Se Franchicè,
tu dici ca ‘nchianammi
ma pè favora
mu dici duva arrivammi ?
Mastru Tò in serie “Bâ€
e ma vu dicu a Vui
campionati inta n’ annu
‘nda vincimi dui !
I futtimmi tutti
e comu restaru mala
Beneventu, Cutroni,
Viterbese,Acireala.
A propositu, a Cutroni ammutaru,
cchi è, ssu morti
u capiscetteru ca nui
simu i cchiu forti ?
Gasperini,intervistatu
dissa “lassatimi suluâ€
povereddhu,
restau ccu l’ovu a lu culu.
E Vrenna ? ‘ndava e fara cavetta!
Dicia ca sapa
Ma chi sapa,
i nostri i benediciu u Papa!
Cchi guaglioni,
diciottu lottatori
cominciando e Ferrignu e finendo
a Pastore.
E Corona, signau
diciannova golli
l’avversari
i siminava comu polli.
VÃ avanti, arretu
e mai si stanca
cci tocca nu postu
a lu cantu e Palanca.
Mò avimu e jira i serie “Aâ€
a “B†non ni basta
si resta Braglia
minta l’acqua da pasta.
E poi finimmi
ccù l’incompetenti
u Presidenta mo
si chiama Parenti.
Seriu, quetu,
sapa chiddu cchi fa
non passa assai
e riporta in Serie “Aâ€.
Paga i jiocaturi
a squatra vola
non l’ adocchiamu
assimigghia a Don Nicola.
Ma tu cchi dici?
cca a Juventus jocamu?
Sicuru,
ed è capacia puru ca minamu.
Ccchi cunti ?
su troppu forti e poi hannu a Moggi
e vu scordastivu
ca nui avimu a Poggi.
Mastru Tò ,e jiamu, jiÃ
perdimu i festeggiamenti
astura a tribuna
e china e presidenti.
Non vegnu ’nomma vjiu,
‘ncona faccia indigesta
propriu ojia,
t’ haiu ruvinara a festa !
Ojia c’è sunnu
tutti l’istituzioni
e ti paria, …..
mò c’è sunnu l’elezioni.
A lu stadiu non manca nuddhu
consiglieri, assessori
cleru, deputati, senatori.
Quante promesse
e comu ssu devoti
vinnuru sulu
m’ arraffunu voti.
Fannu passarella
si fannu i fatti loru
i figghioli ni crisciunu
e non hannu lavoru,
però sti guagliuni
mò su smaliziati
difficilmente
sunnu etichettati.
Hannu nu sulu ideale,
unicu e raru
u partitu loru
si chiama Catanzaru.
Ci sunnu puru
commercianti, imprenditori,
a grande distribuzione
e i costruttori.
Sta città cu iddhi
fu assai generosa
e allora a ccui aspettanu
ma fannu ‘ncuna cosa ?
e poi sti cazzi e sordi
non è ca si portanu appressu
m’aiutanu a SocietÃ
mò subbitu, adesso.
Si cangianu capu
e hannu dignitÃ
u Catanzaru arriva
e resta in Serie “Aâ€.
Mastru Tò,mi nda vaiu,
ma vui ch’ aviti?
Vi sentiti mala,
e pecchì ciangiti ?
Aviti l’occhi russi
mi pariti congestionatu
no…no, non aiu nenta
pensu a lu passatu.
Masci, Acconcia,
Leonetti, Macrì
Sgherri, Codeluppi
u poveru Mammì,
Fanello, Bui,
Zilletti, Palloro
Bagnoli, Busatta,
Silipo, Marchioro
e su stadiu passaru
tanti jiocaturi
‘nda potera parrara
ppè uri e uri.
A tribbuneddha e u spogliatoiu
eranu e lignu…
acqua passata….cchi dicisti
u capitanu si chiama Ferrignu?
VÃ abbrazzalu forta
e ringraziali tutti assai
dicci ca Mastru Totu
non si scorda mai,
mi ficiuru vivira
nu bellu momentu
ma a lu stadiu non vegnu,
non mi sentu
sugnu malatu,
u ficatu è grossu
u cora…u cora…no
u cora è giallo rossu.
di F.M.
Le Copertine da scaricare e stampare per fascicolare i bei versi di F.M.
Cliccate sulle immagini delle copertine per scaricarle.
